ست الروح

سألت عنك الغيم وفتشت ليك في عيون الناس،أصلي كنت فاقد طلتك تمحى عني الضنى وآهات السنين

كنت كايس بسمتك تضوي احساسي اللي عاش زمناً طويييييييييييييييل في أنين

ولقيتك يا صبا عمري وفرح معاي كل الوجود وشوق السنين

قالو لي مبروك ما أسعدك بست الروح  نعيم العمر وكل الحنين

قدري الجميل

بريدك إنتي قدري الجميل الما ليهو مثال
عليهو بشكر المولى وحبيبو سمح الخصال
إن وهبت عمري كلو ما بوفي حمدو ذو الجلال
أسأل الله يقبلني عندو وليك أكون وفي وللحمول شيال

بريدك

بريدك ما انتي ريدي وغناي
وطلة الفرح الجديد سكن جواي
ودفقة النبض الحنون في احساسي ودماي
بريدك انتي عمري وكل دنياي

أحلى قصيدة

كتبتك في دواخلي أحلى قصيدة
ونقشتك في قلبي أسمى المعاني النبيلة
شكلت حروفك إحساسي بالحب لوحة جميلة
ونوَرت بسمتِك وجداني واهدتني الفرح واحة ظليلة
بحبك يا بهجة أيامي وجديدة

نقر أجراسي

أصلي بعيد عنك بفقد أنفاسي
وبعيد عنك بقيف نبض احساسي
ما انتي زاد روحي حبي ونقر أجراسي

ست روحي

يامن تربعت على عرش قلبي
روعة وجمالا
وسكنت الحنايا فازدانت بك
رقة وحنانا
انا كنت قبلك واحة جدباء فاكتست
...سندسا ونضارا
ياست روحي ونعيم عمري

أملي وكل دنيايا

خواطر شجية

أحبائي كم كانت أيامي بينكم رائعة مزدانة بحلو المودة وكل الحنان والسعادة.أستقبل يومي فيها بابتسامةٌ واشراقة، واودعه باطيب الاماني، وبين تلك وهذه تتدفق أحسايسٌ جياشة في لحظات نتسامى فيها فوق آهات الزمان، ونسترق لحظات حلوات نعيشها بكل نبض الحنين في صفاءٍ ونقاء، بسمةٌ هنا وضحكة هناك وهنيهة من صمتٍ نتأمل فيها هذا الصفاء. حقاً لقد كانت حلوة ندية تلك الأيام اللحظات. وها أنا اليوم أسترجع فيك علني أُدخل في نفسي شيئاً من سرور، فذكراكم عذبةٌ رقراقة وستظل بذهني ووجداني حتى يكون جديد اللقاء بإذن الله. سأظل انتقل بين (فرنسا) و(شول) هدوءٌ هنا وصخبٌ وتمرد هناك. دمتم لي يا أحبائي ودامت أيامنا فرحاً وسروا